Posted by
මූසිල ලෙනින්
Friday, October 22, 2010
at
12:55 AM
යුරෝපේ
හොල්මන් කළ
ලංකාවේ උත්තම
ගුරු....
උගන්වන්න මට
වෙණ වයන්න
ජීවිතය නම්
බස් රියේ
තෙරපි තෙරපි
සක්කරයගෙ
ගුලි සෙල්ලම් නැතුව
සිරාවට!
මම කවුද
කියල පෙන්නන්න...
කරන්න මගේ
වෙණ හඬ
පරමාදර්ශී
හැබැයි
තත් නොකැඩෙන
වෙණ හඬ අස්සෙ
යුරෝපීය අවතාර
හැංගිලා
මිනිස්සුන්ගෙ
කනේ නොරිංගන්න
උගන්වන්න
වෙණ වයන්න,
මිනිස්සුන්ට දැනෙන්න
මාව නෙමෙයි
ලඟ ඉන්න අනෙකාව
උගන්වන්න
වෙණ වයන්න,
මිනිස්සුන්ට වැටහෙන්න
සංගීතය නෙමෙයි
තමන්වම
උගන්වන්න
ගුරු
මට
වෙණ වයන්න
වෙනස් කරන්න
මුළු සමාජයක්
ගුරෙකු ගෝලයෙකු
අතරෙ වුණු
සුහද සිම්ෆනියකුත්
තරඟයක්ය
නොසිතන්න
නොකියන්න...
Posted by
ගුත්තිල මාකස්
Tuesday, October 19, 2010
at
10:56 AM
මම
උත්තම
ගුත්තිල
ලංකාවෙ හැමදෙන
ගුණ වනන
මම
බියකරු
මාක්ස්
ලංකාවෙ හැම දෙන
බියෙන් හැකිලෙන
මම
" උත්තමයෙක්..!"
" පිටුවහලෙක්...!"
" රජ ගෙදරක්...!"
"හාමතයෙක්...!"
මම එක්කෙනෙක්....
ඉඩ දෙන්න
හිතු මතේ
වීණාව හඩවන්න
රජ්ජුරුවන්ට තියා
දෙවියන්ට වත්
ණය නොවී.
ඉඩ දෙන්න
වයන්නට
නොහැකි වුණු
එම ස්වරය
වයන්නට
මනුස්සකමට
වටිනාකමක් දී.
ඉඩ දෙන්න
' පුත මූසිල '
වචනයක් කියන්නට
එදා කියන්නට බැරි වුණ,
" එදා උඹ නියමයි..!
හෙට දවසෙ ලෝකය නුඹටයි..!"
දහසක් මල් පිපේවා
දහසක් සිත් දිනේවා................!
Posted by
මූසිල ලෙනින්
at
9:02 AM
මම
මූසල
මූසිල
ලංකාවේ
හැමෝම බනින
මම
ලේ රතු
ලෙනින්
ලෝකෙ
හැමෝම දන්න
මම
ඇතුලේ
ජීවිත දෙකක්
මූසිල
ලෙනින්
සංදර්භ දෙකක
වෙන් වෙන්ව
අරුත් නැංවෙන
ඉතිහාසයේ
අමුතු චරිත
"වීරයෙක් !"
"ගුණමකුවෙක් !"
නොගැලපීම
අන්ත දෙකක්
එකිනෙක
විසංයෝජනයක්
"මූසිලයෙක් වෙන්න එපා !"
"ලෙනින් වගේ වීරයෙක් !"
සංයෝගනයක්
පොඩි
අඹන්න
ආදර්ශවත්
දැතිරෝද
චරිත
මුන් දෙන්නම
පටි පණුවො
මගේ
හිත් අවකාශයට
ඇහෙන් කන
කනෙන් ගිලින
හැම මගුලම
හිත අස්සෙම
වලඳල
ජීරණය කරන.......